احبك يابعد كـل الحـروف ***

احبك من هنا لاخر محطـات الغـلا لهنـاك
.............أحبك كثر ما يهوى رضيع الصـدر غفوآتـه

احبك يابعد كـل الحـروف وعلّهـا تفـداك
.................أحبك يابعـد بيـت القصيـد وكـل غايآتـه

أحبك يابعد عمرٍ قضى منـي علـى ذكـراك
.................أحبـك يابعـد مـن داج بالدنيـا بخطوآتـه

أحبك يادفى برد السنين اليا غفـت بحمـاك
.............. أحبك يا امل عمـر الوحيـد ويابعـد ذآتـه

أحبك يابعد قلبٍ نـزف كـل الغـلا لرضـاك
...............أحبك يابعـد كـل العيـون ونـزف دمعآتـه

أحبك كثر ماتبـرى جـروحٍ لامسـة يمنـاك
..............أحبك كثر مـا يلجـا فقيـر الحـال لسكآتـه

أحبك بس لو تعرف وش اللي بالحشا ينخاك
..........وربي لو كشفت اللي بـ قلبي!!مـت لرضآتـه

أنا وشلون ابين لك غـلاك ولهفتـي لـ لقـاك
.........انا وشلون اعبر لك عن اللي بيـن طيَّآتـه

أنا لو قلت لك ببعد وابرحل وانتحي وانسـاك
.............لسانـي!! واعرفـه لازّل ياشيّنـه بزلاّتـه

تعال ارجوك شفني من رحلّت وعبرتي تنعاك
............تعال وظمِّنـي ياحـي ذا الطـاري وظمآتـه

تعال وخل عنك الصد والهجران!! مايزهـاك
............حلاتك توصـل اللـي يـم دارك زاد جيآتـه

أنا والليالي وابيات القصايد في امـل لقيـاك
...........اقول الشعر والليـل الحزيـن يعـدّ نجمآتـه

نعزّي نفسنا ننطر تسابـق لهفتـك وخطـاك
..........نقول ان الخطى تقصر ولا تسبـق للهفآتـه

أماني عاشت بصدري اغاني داخلي تهـواك
.......تموت ان غبت وان رديت عاش الليل وابيآته

أنا مقدر على بُعدك على صدك على فرقـاك
...........يموت بغيبتك قلبٍ نزف لـك حـر حسرآتـه

دخيل الصبح في وجهك دخيل الليل لا غطّاك
...........دخيل الرمش لاسيّر علـى خـدك بسجآتـه

دخيل الجمر والسكر دخيـل البلسـم! الفتّـاك
.............دخيل اللي تثنّـى ليـن عذبنـي برقصآتـه

أمانه ترحم اللي شاف منّك صدتـك وجفـاك
............ دخيلك تدمـح الزلـه وغلطآتـه وهفوآتـه

أحبك من هنا لاخر هنا لاخـر هنـا لهنـاك
........... احبك لعنبو حـي الرضيـع وحلـو غفوآتـه

__________________

ابغى ردود